اڀيمنيون ڪيولراماڻي، ڊاڪٽر: ڊاڪٽر اڀيمنيون ڪيولراماڻي پٽ ارجن داس 25 مارچ 1942ع تي گھوٽڪيءَ ۾ ڄائو. 1970ع واري ڏهاڪي ۾ پني عاقل شهر ۾ پنهنجي ڪلينڪ کوليائين. ڊاڪٽر ڪيولراماڻي ڊائو ميڊيڪل ڪاليج مان گريجوئيشن ڪئي، سندس ڏاڏو ويڙهو مل گھوٽڪيءَ جي هندو پئنچائت جو مکي ۽ ڊي. اي. وي اسڪول جو باني هو ۽ مرڻ گھڙيءَ تائين ان جو صدر رهيو. سندس والد گھوٽڪيءَ جو وڏو زميندار ۽ ڪرڪيٽ ڪلب جو سرپرست هو. ڊاڪٽر ڪيولراماڻي هڪ ڪامياب ڊاڪٽر سان گڏ ادب دوست ۽ سماجي خدمتن ۾ اڳڀرو هو. ان حوالي سان سنڌ گرئجوئيٽس ايسوسيئيشن پني عاقل جو نائب صدر پڻ رهيو، سنڌي ڪتاب ۽ رسالا وڏي شوق سان پڙهندو هو، پنو عاقل جي ڪيترن ئي تعليمي ادارن جي قيام ۾ سندس عملي ڪوششون شامل هيون. بد قسمتيءَ سان ڪجهه شرپسند عنصرن کيس اغوا ڪيو ۽ ڪجهه ڏينهن کانپوءِ يارو لنڊ واري علائقي ۾ جنوري 1993ع ۾ کيس بيدرديءَ سان قتل ڪيو ويو ۽ ٻوريءَ ۾ بند سندس لاش واهه مان هٿ آيو هو.
1942.03.25 عيسوي
ڊاڪٽر اڀيمنيون ڪيولراماڻي پٽ ارجن داس 25 مارچ 1942ع تي گھوٽڪيءَ ۾ ڄائو.